Hringsjá
Þarftu að endurmeta eða styrkja stöðu þína til að komast aftur út á vinnumarkaðinn?
Hvað er EKKO?
Vilt þú vera með á matsbraut?
Námskeiðin í Hringsjá þessa önnina
Náms- og starfsendurhæfing
Fyrir fólk sem vill komast aftur út á vinnumarkaðinn eftir hlé vegna sjúkdóma, slysa eða annarra áfalla
Samstarf
Stoðþjónusta
Félagsráðgjöf
Félagsráðgjafi Hringsjár sér um gerð endurhæfingaráætlana, sér í lagi í tengslum við umsóknir um endurhæfingarlífeyri til Tryggingarstofnunar ríkisins. Félagsráðgjafi sinnir einnig eftirfylgni við útskrifaða nemendur.
Félagsráðgjafi leiðbeinir eða aðstoðar nemendur vegna úrlausna við félagsleg verkefni af ýmsum toga sem þeir glíma við á hverjum tíma.
Iðjuþjálfun
Iðjuþjálfi aðstoðar nemendur matsbrautar við að koma rútínu á athafnir daglegs lífs með því að skoða hvaða þættir eru þeim mikilvægir að sinna og að passa upp á jafnvægi í daglegu lífi.
Nemendur fá aðstoð við að setja sér markmið, skipta þeim niður í viðráðanleg skref og stuðning við að fylgja þeim eftir.
Náms- og starfsráðgjöf
Náms- og starfsráðgjafi veitir stuðning við nemendur vegna námserfiðaleika, skipulags í námi, prófkvíða og vegna persónulegra erfiðleika. Hann leggur mat á úrræði vegna prófa hjá nemendum með sértæka námserfiðleika eða annarra þátta sem þarf að taka tillit til.
Sálfræðiþjónusta
Sálfræðingur sér um hóptíma í Hugrænni atferlismeðferð (HAM) og kennslu í sálfræðiáfanga.
Sérkennsla/lesblinda
Lesblinda og sértækir námsörðugleikar eru algengir meðal nemenda Hringsjár og margir hafa aldrei fengið greiningu. Nauðsynlegt er að staðfesta og skilgreina vandann til þess að hægt sé að finna og nýta viðeigandi aðferðir og leiðir.
