Matsbraut
Fyrsta skrefið að aukinni virkni og skýrari framtíðarsýn
Matsbraut er 8 vikna úrræði sem styður einstaklinga í að efla stöðu sína gagnvart námi, vinnu eða næstu skrefum í endurhæfingu. Lögð er áhersla á einstaklingsmiðað mat og raunhæf næstu skref. Dagskráin miðar að því að styrkja sjálfsmynd þátttakenda og stuðla að jákvæðu viðhorfi til náms eða starfs.
Markhópur:
- Þau sem stefna á nám hjá Hringsjá.
- Þau sem þurfa stuðning til að auka daglega virkni.
- Þau sem hafa staðið utan vinnumarkaðar og/eða náms í einhvern tíma.
- Þau sem standa á krossgötum varðandi næstu skref í lífinu.
Markmið:
- Efla sjálfsmynd og sjálfstraust.
- Auka daglega virkni.
- Kortleggja styrkleika, áhuga og færni.
- Efla félagslega tengingu og vellíðan.
- Móta raunhæfa stefnu að næstu skrefum.
Matið samanstendur af:
- Hópatímum í 8 vikur, 4 daga í viku.
- Viðtölum við félagsráðgjafa, iðjuþjálfa og náms- og starfsráðgjafa.
- Notkun viðurkenndra matstækja.
- Raunmætingu, virkni og þátttöku sem vega þungt í heildarmati brautarinnar.
Efnistök:
- Efling sjálfstrausts og félagsfærni.
- Tölvunotkun.
- Streitulosun, slökun og vellíðan.
- Læsi / lesskilningur.
- Stærðfræði.
- Náms- og starfsfræðsla.
- Fjármálafræðsla.
- Setja sér mörk.
- Skapandi verkefni.
Kostnaður: 36.000