Námskeið fyrir ÖBÍ

Næstu námskeið fyrir starfsfólk/félagsmenn aðildarfélaga ÖBÍ

ÖBÍ réttindasamtök standa fyrir námskeiðum fyrir starfsfólk/félagsmenn aðildarfélaganna. Upplýsingar um námskeiðin og tímasetningu þeirra er hægt að finna hér að neðan. Námskeiðin eru haldin hjá ÖBÍ í Mannréttindahúsinu að Sigtúni 42, 105 Reykjavík

Smelltu á námskeiðs titlana hér að neðan til þess að skrá þig.

Miðvikudaginn 19. mars 2025 – kl. 13-16.00

Námskeið fyrir sjálfstætt starfandi öryrkja um eigin rekstur, skil á gjöldum og framtalsgerð.

Leiðbeinandi: aðjunkt við viðskiptafræðideild Háskóla Íslands og löggiltur endurskoðandi.

Hvar: Mannréttindahúsið, Sigtúni 42, 2. hæð.

Starfsmaður frá TR svarar spurningum varðandi áhrif atvinnutekna við útreikning örorkulífeyris.

Skráning er nauðsynleg – skráningarfresti lýkur 17. mars nk.

Rit- og táknmálstúlkun í boði – vinsamlega skráið í dálkinn ,,Skilaboð“, hvort og þá hvers konar túlkunar er þörf.

Námskeiðið er á vegum kjarahóps ÖBÍ og atvinnu- og menntahóps ÖBÍ.

Frítt er á námskeiðið – vinsamlega skráið ÖBÍ í dálkinn ,,Greiðandi“ þegar þið skráið ykkur.

Námskeiðslýsing:

Aðilar í eigin rekstri þurfa við gerð skattframtals að útbúa rekstrarreikning vegna starfsemi sem hefur að geyma upplýsingar um tekjur og gjöld á árinu. Hvað teljast tekjur er yfirleitt frekar einfalt en vandamálin snúa fremur að því hvaða kostnað má gjaldfæra á móti tekjum?

Á námskeiðinu verður farið yfir hvernig á að setja upp rekstrarreikning á grundvelli fyrirliggjandi upplýsinga um tekjur og gjöld, svo að fylla út eyðablöð skattaframtals á grundvelli upplýsinga í rekstrarreikningi.

Á námskeiðinu verður fjallað um:

Rekstur á eigin kennitölu, fyrir smáfyrirtæki (velta allt að 10-15 milllj.).
Veltulágmarkið í virðisaukaskatti.
Frádráttarbæran rekstrarkostnað. Hvað má ekki draga frá tekjum.
Einka- og eignakostnað.
Gerð rekstrarreiknings.
Framtal til skatts (Eyðublöð 4.10 og 4.11). Einnig verður farið yfir önnur eyðublöð sem tilheyra einstaklingsrekstri (Eyðublöð 4.01, 4.03 og 4.05)

ÖBÍ ber allan kostnað af námskeiðshaldinu utan skráningargjaldsins, kr. 2500.-, sem greiðist af þátttakanda eða því aðildarfélagi sem hann starfar fyrir eða er félagi í. Skráningargjaldið á ekki við um námskeiðið fyrir sjálfstætt starfandi öryrkja um eigin rekstur haldið 19. mars 2025.

Krafa mun birtast á heimabanka þátttakanda. Ef óskað er eftir að greiðslu sé háttað á annan hátt vinsamlegast takið það fram í skilaboðum við skráningu.

Haft verður samband við alla skráða þátttakendur þegar nær dregur námskeiði.

Ef eitthvað er óljóst hafið endilega samband við skrifstofu Hringsjár, netfang hringsja@hringsja.is eða í síma 510-9380.